Saamne aeena..aur..

kabhi kaafir ke gum se khud ko bhigoya
fir mann tatola aur khud ko nichoda..
raah..safar aur wo tanha mastana..
befikr wo saath k sparsh se anjaana -
poochne pe - "tanhai mein tu khush kaise..??"
"main tanha kahan--" ..aisa jawab aaya..
yaadon ka bhandaar seene mein liye firta hu
mohabbat jo aai ...to gum saath aaya...
ab kaafir hai kaun..aur kaun "kshitij"...
hansta chehra aur ankhon mein samandar sajaya...

Dil "raith" hai"..

Dil raith hai aur hum mahal k dhaanche banate rahe -
Baar baar "lehro" se eitrate-takraate rahe..
Kabhi is kadar ki ehsaason mei doob kar jee gaye..
Fir kabhi yu hi - wo duur se muuh mod gaye -

"Lehro" mein raith bhi makhmal si hoti hai..
Chahe kitni ho lau- tapish mein narmi hoti hai..
Kinaro se duur raith ka rukh aur hota hai..
Tanha do kadam..bhi sau hota hai..

Dil raith hai- bikhre hum kuch is tarah rehte rahe..
Hazaar purze ik khat k- behti hawa mein udte rahe..
"Leher" ki talabh liye- 'kshitij' kinaaro pe chalte rahe..
kinaaro pe chalte rahe..bas kinaaro pe chalte rahe..

-Kshitij

Nazro ka Fer..

Is kaali raat mein aasmaan ke par kaheen savera nazar aata hai..
Tujhe dekhoon jab kabhi - tu mera nazar aata hai..

Khwaish tere saath ki hai - umr ki aakhri saans talak,
Tere na hone ke baat se har taraf andhera nazar aata ahi..

Chehra ho koi, bas tera chehra nazar aata hai ..
Doob rahan hoon chaahat mein - Na koi kinara nazar aata hai..

Tujhse bichad ke milne ka waqt - ek sadi sa lagta hai..
Tujhse doori ka ehsaas har ghadi nazar aata hai..

Shaam se hothon mein chuppi - seene mein dard sa rehta hai
Saher tak jaagti ankhon mein tera khwaab nazar aata hai..

Unkahe wo lafz ho sake to "Kshitij" ki ankhon mein padh le,
Tere seene mein bhi mere liye mujhe mohabbat nazar aata ahi..

-Kshitij

Yaadon ka Waaar...

Sau baar likh kar sau baar mitaya..
Har baar dil se un hi ka naam aaya..
Koshish bahut ki k pal bhar ji jau..lekin -
Yaadon k khanjar ko har baar laal paya..

Kabhi tasveero se..kabhi chittho se..
Dil bheega hai ashq ki nadiyon se...
Yaadon ke dariye mein jab khud ko doobta paaya
Num ankhon mein pal-pal ek hi chehra aaya..

Auro pe ilzaam kya..apni aadat kuch aisi hai..
Qatilo se dosti aur dillagi rahi hai..
Kabhi khanjar se dil..kabhi dil se khanjar lagaya..
Katra-katra rooh !!.. har katre se us hi ka naam aaya..

-kshitij

Fark, Faasla aur Faisla..

Meri dhadkan mujhse aksar baatein karti hain…

Is che-chahati shehar mein tu akela kyun hai..??
Jahan raftaar hai tez, tu thehra kyun hai..??
Kabhi bahar to dekh.. log tujhse dikhenge –
Chehal- pehal mein kuch “rang” aur khilenge..

Ik baar aur kar bharosa..main fislunga nahi..
Har gair ke khaatir main dhadkunga nahi –
Khoobsurti ki yahan kami nahi koi…
Main husn ke pyas ko tarsunga nahi..

Rok rakha hai kab se, ab awaaz to de..
Bin mausam na sahi..par barsaat to de..
Banjar saanson ke age gulzar hai dost..
Bas kar ab..zindagi ko naye alfaaz to de..

“Wo shaam” sa mausam har pal saath rahega
Coffee ke khaali glass par hothon ka nishaan rahega
Koyal ke saath mushayra..aasmaan par sawari hogi..
Meri jaan har din holi..Har raat diwali hogi..

Guzarish thi ‘uski’(dhadkan) ..ab baari meri thi..
“Shikast se hoslen kam kiya nahi karte.. “ (Dhadkan to me)
“Roz-roz mohabbat hum kiya nahi karte..” (me to Dhadkan)
Samjhaane ki use..ab baari meri thi…

Maine thaam ke dil ko awaaz lagaya..
Samjhaya us par ek hi naam rahega..
Baagon mein gul khile-na khile…
Patton par deewangi ka nishaan rahega..

- Kshitij

Sapne hai apne aur Khwaish parayee

Meri saanson se mujhe ajab mehek aayi
Shayad do ghoot zindagi kisi ne di milayi...
Mausam unke aate hi kuch aise badla..
jaise badre ke saath madmast ghata chayeee..


Main hu...khwab mere..aur ye mithi alsai...
khwab mein the saath unke..aay-haye ye angdaai..
gul khilne de abhi baag mein..tu pehle mat 'naach'..
ke arzoo "kshitij" ki..abhi tamanna hai parai...